1. Dubbihii cuslaa wuxuu durbaanka la helay Shariif markii uu booqday ciidamada dhaawaca ah ee Uganda iyo Burundi ka yaalla magaalada Nairobi ee dalka Keenya. Shariif ma uusan booqan dhaawaca Soomaalida daadsan isbitaallada Muqdisho oo ku dhaawacmay dagaalkii uu asagu u yaboohay! Taasi waa farriin oranaysa “waxaan leeyahay ehel cusub oo Soomaalida iga waardiyeeya waana gaalada madow ee bad iyo berri labadaba dadka ku dilaysa”.  Waxaa xusid mudan in ay duqayn ba’an muqdisho ka geysteen ciidankaas Afrikaanka ah intii uu Shariif madaxweynaha ahaa ayadoo kalluumaysatada Muqdisho ay ka cawdeen in ay rasaaseeyaan ciidankaasi. Shariif markii uu jihaadka iclaamiyay sanadkii 2006 Muqdisho kuma sugnayn hal gaal oo hubaysan haddana wuxuu booqanayaa niman ku dhaawacmay ayagoo Muqdisho shacab ku laynaya!

2. Dubbihii ugu dambeeyay ee Shariif ku dhuftay durbaankiisa waa asaga oo ku dhawaaqay in uusan ka maarmi Karin ciidamada Uganda iyo Burundi sababo ammaanka la xariira awgood.  Waxaa kaloo hubaal ah in Soomaaliya ay ku soo fool leeyihiin ciidammo Afrikaan ah oo loo bixin doono AFRISOM si ay dagaallo hor leh uga curtain guud ahaan geyiga Soomaaliyeed. Hadalka ka soo yeeray Shariif eek u saabsanaa in uu u baahan yahay ciidamo ajnabi ah si ay dadkiisa uga waardiyeeyaan waa mid nasiib darro ah isla markaasna ka hor imanaya dalabkii culimada iyo shuruuddii xabbad joojinta ee ahayd in ciidamadaas looga saaro dalka muddo saddex bilood gudahooda ah kuwo kalena aan la keenin. Hoos ka aqri shariifka oo Reuters u sheegaya in aysan jirin sabab loo saaro ciidankaas:

(http://www.reuters.com/article/homepageCrisis/idUSLA274894._CH_.2400)

Waxaa hubaal ah in Shariif uu u marayo dadaal ka badan kii uu maray Cabdullaahi Yuusuf si uu u farax galiyo dadka dubbaha u soo dhiibay. Lama hayo meel uu Cabdullaahi Yuusuf ku soo booqday dhaawac gaalo. Maxaa ku kallifay Shariif?

Dubbeyaasha uu Shariif gamay waxa ugu horreeyay in uu Addis Ababa ka dagay isla maalintii la doortay oo uu la shiray Malez Zenawi ayadoo aan lagu xisaabtamin xasuuqii uu Zenawi ka geystay Soomaaliya. Booqashadaas iyo hadalka Shariif ee ah waan u baahnahay ciidamado ajnabi ah waxay xalaaleeyeen (legitimize) howlgalkii ay Itoobiya ku soo gashay Soomaaliya.

Waxaa nasiib darro ah in Shariif dubbaha uu wax ku garaacayo ay gadaal ka hayaan gacmo daalay oo aan xoog lahayn. Waxa asaga wax ka dhigay saddex qof oo kala ah Ahmed Ould Abdalla, Jendayi Frazer iyo Michael Rennebeger. Saddexdoodii labo shaqadii way ka dhamaatay, kan saddexaadna geed adag ma haysto oo waa nin dal faqiir ah ka soo jeeda. Waxay u dhowdahay in Shariif asaga oo aan durbaanka wada jabinin uu burriska hayn waayo oo uu sidaas ku ahaado durbaankana cid u dhaanta Allaah u bixiyo.

Gabagabadii, waxaa sannadkii 2004 labo qaybood u kala jabtay dowladdii lagu soo dhisay Kenya ee uu Cabdullaahi Yuusuf madaxweynaha ka ahaa. Koox waxay xarun ka dhigteen magaalada Jowhar ee shabeellada dhexe halka kooxda kale ee uu hogaaminayay Shariif Xasan oo ah wasiirka maaliyadda Sh. Shariif iyo koox dagaal oogeyaal ah ay dageen magaalada Muqdisho.

Abwaankii xakiimka ahaa Allaha u naxariistee, Cabdulqaadir Xirsi Yamyam ayaan weydiiyay ra’yigiisa labada kooxood midka saxan. Yamyam wuxuu iiga sheekeeyay  jeegaanta ku taalla cirkka habaynkii in ay Soomaalidu tiraahdo Iblays baa hooyadiis ku jiiday. Soomaalidu waxay ku maahmaahaan buu yiri : Iblays nin hooyadiis jiida wuu yahay, habar iblaysna wax la jiido way tahay.

Shariif wuxuu galay booskii Cabdullaahi Yuusuf wuxuuna ra’iisal wasaare ka dhigtay la taliyihii Cabdullaahi, afhayeenka baarlamaankuna waa kii Cabdullaahi. Dowladdu waa tii Cabdullaahi, ciidamada uu Shariif kama maarmo leeyahayna waxaa keenay Cabdullaahi. Shariif wuxuu aqbalay in uu iska reebo darajada Sheikh oo magaciisa ka horrayn jirtay habaynkii doorashada ka hor oo uu hilmaamay in uu Sheikh ahaan jiray. Raggii Cabdullaahi Yuusuf gaalaysiin jiray hadday Shariif islaam ka dhigtaan waa niman u kala hiilliyay iblays iyo habartiis!

Abdullaahi Ali-Jiir
abdullahialijiir@hotmail.com

Hoos ka daalaco qoraalkii hore, Shariif Sheikh Axmed oo durbaankiisii burris loogu dhiibay:

http://www.gedoonline.com/index.php?option=com_content&view=article&id=1
022:shariif-sh-axmed-oo-durbaankiisii-burris-loogu-dhiibay&catid=21:somalinews

Halkaan ka dhageyso Wareysi Madaxa ASOJ

Waagacusub Media: Kulmiyaha Suxufiyiinta Soomaaliyeed

Barnaamijka Tijaabi Codkaaga Part 2 Dhageyso

Halkaan ka akhriso Englishka
Qore By: Elizabeth Withey,
Turjume By: Dahir Abdulle Alasow
Photograph by: Rick MacWilliam,
The Edmonton Journal
Barnaamijka Tijaabi Codkaaga Dhageyso

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media