C/risaaq Keyse Xasan Yaasiin waa wiil yar oo jiray 4-bilood iyo todoba habeen,dhashayna bishii November 20-keedii sanadkii 2008-dii kuna dhashay cusbitaalka Edna Maternity Hospital ee Magaalada Hargeysa, waxaanu shanta salaadood u ilaaliyaa sida dadka qaan gaarka ah oo kale, waxa kale oo uu akhriyaa qur’aanka Kariimka ah isaga oo badanaa ay afkiisa ka soo baxdo suuratul Qul Huwala.

Sida uu aabaha dhalay wiilkan yar ee Mucjisada ah Keyse Xasan Yaasiin uu xaqiijiyay Weriyahaasha Shabakada Wararka ee Magaalada Hargeysa iyo T.V yada ku yaal Hargeysa arintaan mucjisada ah oo uu qarinaayay mudo badan ayuu markii uu udul qaadan waayay waxyaabahan mucjisada ah oo mar walba wiilkan yari la imaanayo wuxuu usoo bandhigay jaarkiisii ama dariskiisii kadibna waxaa loo soo bandhigay bahda saxaafada

Abaaha wiilkan dhalay oo faah-faahin ka bixinaya sifaha uu ku arkay wiilkiisan yar ayaa Waxa uu yiri “Waxa aan doonayaa in aan halkan bulshada reer Somaliland iyo muslimiintaba uga gudbiyo ama aan uga soo tabiyo in wiil yar oo bishii February 20-keedii sanadkii 2008-dii iigu dhashay cusbitaalka Edna Maternety Hospital ee magaalada Hargeysa, aan ku arkay arrimo badan oo la yaab iyo argagax igu noqday, waxa aan la yaabay oo intii uu jirayba aan ku arkay waxyaabo badan oo caqliga qofka aad uga yaabinaya, waayo markii uu dhashay xitaa dhakhtarkii ka umulinayay hooyadii ayaa ka yaabay, waxa uu soo dhashay isaga oo labadiisa gacmoodba ay fidsan yihiin isla markaana farihiisa mid waliba gaarkeeda u taagan tahay.”

“Mida kale saddex habeen kaliya markii uu jiray ayuu afkiisa ka soo baxay erayga ah Ummah, ama Hooyo waana mid aanu la yaabnay.17 Habeen ka dibna waxa uu ku dhawaaqay erayga ah Abii ama Aabe .waxa kale oo aanu ku aragnay in maalintii 25-aad uu isu taagay sidii qof yar oo gaaray muddadii uu ku istaagayay ayuu sarakacay oo uu istaagay taasina waa mid aanu la yaabnay”ayuu intaasi raaciyey aabaha dhalay wiilkan mucjisada ah

Aabo Keyse Xasan Yaasiin oo sharaxaad ka bixinaya sida uu salaadaha u tukado iyo bal in ay jiraan in uu wakhtiga ilaaliyo waxa uu noo xaqiijiyay in uu wiilkan yari uu salaad walba diyaar u yahay, xitaa buu yiri salaada Subax oo marka aanu hurudno ka war helno uun isaga oo meel ka qaylinaya isla markaana dhamaystay salaadiisii

“Salaad waliba marka ay taagan tahay, waxa aad arkaysaa isaga oo taagan, oo inta uu gacmaha is dul saaro tukunaya, hadii aad istiraahdo qabana wuu ooyayaa.Waxa wax lala yaabo ah, salaada subax oo ah ta aanay cidi u kicin, qofka caajiska ahina uu is yiraahdo hadhaw ayaad tukan doontaa, waxa aanu ku war helnaa isaga oo salaada ku jira, isla markaana gudanaya”ayuu yiri Keyse Xasan

Waxa kale oo uu intaa ku daray in wiilkan yari marka uu saxaroodo aanu ogolayn in isku bi'iyo isla markaana ay wax wasakh ahi gaarto , waxaanu xusay in uu labadiisa cagood uu kor u taago ilaa inta laga bi'inayana ay lugihiisaasi kor u taagnaadaan waxaana uu aabaha wiilkan yidhi “Marka uu saxaroodo ama kaadsho waxa aad arkaysaa oo badanaa caado u ah in uu labadiisa cagood kor u taago oo aanu ogolayn in ay ku ba’do ilaa inta laga bi'inayana cagihiisaasi kor ayay u taagnaanayaan, laakiin marka laga bi'iyo wuu dejiyaa”.

Waxa yaab iyo amakaag badnayd markii dhagaha intii markaa nasiib u heshay ay dhagaysteen wiilkan yar oo isku daraya hadaaq, iyo aayad qur’aan ah, waxaanu ku luuqaynayaa oo afkiisa laga maqlayaa suuratul Qul Huwale.

Aabo Keyse Xasan Yaasiin oo aanu wax ka waydiinay bal goorta uu bilaabay qur’aan akhriskan waxa uu noo xaqiijiyay in markii uu soo dhashay ee uu jiray muddo kooban uu bilaabay qur’aan akhriska isla markaana ay ku duubeen cajalad oo ay dhagaysteen bal waxa uu aqrinayo

walaalayaal waa arin mucjiso Rabaani ah kolay wax walba oo dunidan ka dhaco

waad la socotaan Alle ayaan ugu talagalay in umadiisa oo meel walba wax ka tusiyo

Afhayeen u hadlay Gudoomiyaha la laalay Dr Cumar IImaan Dhageyso

Shir Jaraa'id Afhayeenka cusub ee Xisbul Islaam Dhageyso ama Download