Bartilmaameedka xulka Wareeysiyadda Radio Waagacusub 29.03.09 Dhageyso ama Download
 
Sii deynta saraakiishan ayaa timid kagadaal wadahadalo xasaasi oo soconayay maalmihii ugu dambeeyay iyo dadaalo ay wadeen maamulada gobalada W/Barri Kenya iyo Gedo ee soomaaliya, ayadoo maantana ay wadahadalka kusoo biireen Xildhibaan C/raxmaan Cali Xasan Coloow oo laga soo doorto Koonfurta Wajeer, kuxigeenka gudoomiyaha gobolka W/Bari Mr Dan Mesis iyo saraakiisha ugu sareyso amaanka gobolka ayadoo dhanka b/xaawana ay matalayeen Gudoomiyaha degmada B/xaawo Axmed Maxamed Yuusuf Burkuus, Ugaas Sheekh Maxamed Axmed Xaadle iyo waxgarad kale oo tira badan.

Saraakiishan ayaa ka talaabay xariiq xuduudeedka ay wadaagaan magaalooyinka Mandera iyo B/xaawo ayagoo u doontay dhanka b/xaawo dukaameysi balse ay hakiyeen saraakiisha amaanka maamulka ka arrimiya degmadaasi. Ayadoo lagu eedeeyay inay si sharci dara ah ay xadka uga soo talaabeen.

Kulanka maanta oo soconayay mudo ka badan 6 saacadood ayaa ugu dambeyntii la soo wareejiyay saraakiishii mudaba wadankooda ka maqnaa xaalkuna waxa uu ahaa mid aad u kacsan oo dadku waxay dareemayaan farxad iyo reynreyn.

Albaabka hore ee custom-ka magaalada mandera halkaas oo ay kasoo galeen saraakiishan ayeey ii suurta gashay inaan la hadlo /qaadir Maxamed Muudeey oo ah mid kamid ah shantii sarkaal ee mudaba lagu hayay magaalada b/xaawo “waxaa nalagu hayay guri si wanaagsan ayaa naloola dhaqmay, waana ku faraxsannahay inaan dib ugu soo laabano dhulkeena. Ayuu yiri C/qaadir Muudeey.

Gudoomiyaha degmada B/xaawo ayaa isna ka hadlay heshiiska maanta ay laga galeen maamulka gobolka w/bari asagoo ka cawday in dhibaatooyin badan oo aan la soo koobi karin loo gaysto shacabkiisa oo xarig, dil iyo dhac joogta ah lagu hayo shacabka reer b/xaawo ayna codsanayaan in wax badan laga qabto, wuxuuna sheegay inay isla meel dhigeen qodobo dhowr ah oo ay ugu muhiim sanayd in sida ugu dhaqsaha badan loo soo daayo maxaabiista soomaalida, inay wadashaqeyn rasmi ah yeeshaan labada maamul iyo qodobo kale.

Xildhibaan C/raxmaan Cali Xassan Coloow oo qeyb lixaadleh ka qaatay soo celinta saraakiisha wasaaradda waxbarashada ayaa ku dheeraaday daris wanaaga labada dhinac, wuxuuna qiray dhibaatada lagu hayo dadka reer B/xaawo wuxuuna balan ku qaaday inuu u gudbin doono dowlada sidoo kalana la hagaajin doono xiriirka labada degmo asagoo ku booriyay maamulada mandera iyo b/xaawo inay usoo jeestaan sidii ay uga shaqeyn lahaayeen danaha dadka shacabka, wuxuuna amaan iyo bogaadin u jeediyay sida sharafta leh ee maamulka B/xaawo ee uu hogaamiyo Burkuus ay ku soo wareejiyeen saraakiisha wasaaradda waxbarashada dalka Kenya.

Siideynta howl wadeenadan ayaa waxaa si diiran usoo dhaweeyay dhamaan qeybaha kala gadisan ee bulshada ku nool gobolada Gedo iyo W/Barri Kenya waxaana la aaminsan yahay in soo wareejinta saraakiisha ayagoo bad qaba ay wax badan ka badali doonto xiriirka labada maamul ee B/xaawo iyo Mandera.

Mr. Cabdifitaax Ibraahim Maxamed (C/f Cagayare)
+2525 0 986554
+254 (0) 722474596
Cagayare17@hotmail.com

Sheekh Cali Nur" Shabaab ma Mujaahidiinbaa mise waa Mufsidiin"

Tijaabi Codkaaga iyo Fanaan Mohamed Abdi Mohamed Dhageyso

Tijaabi Codkaaga iyo Fanaanada Seynab laba dhagax Dhageyso

Tijaabi Codkaaga iyo Fanaanadda Maryan Mursal Dhageyso

Muxaadaro Korneyl Sheekh Ahmed Mantaan Dhageyso

Xildhibaan Kismayo tegay Dhageyso ama Download

Halkaan ka dhageyso Wareysi Madaxa ASOJ

Waagacusub Media: Kulmiyaha Suxufiyiinta Soomaaliyeed

Barnaamijka Tijaabi Codkaaga Part 2 Dhageyso

Halkaan ka akhriso Englishka
Qore By: Elizabeth Withey,
Turjume By: Dahir Abdulle Alasow
Photograph by: Rick MacWilliam,
The Edmonton Journal
Barnaamijka Tijaabi Codkaaga Dhageyso

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media