Waagacusub.net - Weerarka lagu qaaday Hotel Naasa Hablood Muqdisho ayaa la sheegay inuu wejiyo badan lahaay hasse yeeshee bartilmaameedka ugu weyn wuxuu ahaay in lagu khaarijiyo Odayaal dhaqameedyo ,Siyaasiyiin,Aqoonyahano u dhashay beesha Harti Abgaal kuwaas oo afur ku lahaay Hotelka. sida ay Waagacusub u xaqiijiyeen ila wareedyo kala duwan oo ay ka mid yihiin kuwa afurka loo sameeyay.

Masuuliyiinta u dhashay beesha Harti Abgaal ee la rabay in lagu khaarijiyo Hotel Naasa hablood ayaa badankood Jowhar ka yimid,waxeeyna ka wada hadlayeen sidii soo dhaweeyn heer Qaran loogu sameeyn lahaay Musharax Shariif Sheekh Axmed oo Muqdisho ku wajahan qiyaastii 10 maalmood kadib.

Kulanka xasaasiga ee afurka waxaa sameeyay Raaxo Jiniqow oo nin u dhashay beesha Waceeysle qabo ,kuna jirtay gudiggii la kala diray ee doorashadda Qaranka ee Madaxweyne Garguurte magacaabay iyo Khadiijo Cosoble oo iyaduna horey uga tirsaneed guddiggaas.

Wasiiru dowlaha Maaliyadda Cabdullahi Maxamed Nur iyo Odayaal u dhashay Harti Abgaal ayaa la xaqiijiyay iney u tageen Madaxweyne Xasan iyagoo u sheegay ineysan aqbali karin inuu guddigga ku daro naag ay qabaan hasse yeeshee dheg jalaq uma siin warkooda,sida ay qaarkood u sheegeen Waagacusub.

Odayaasha,Siyaasiyiinta,aqoonyahanadda ay Raaxo Jiniqow iyo Khadiijo Cosoble casuumeen waxaa ka mid ahaay:-

Nabadoon Axmed Jowhar oo ah Agoonyar ,Harti Abgaal.

Nabadoon Cuunsheeye oo ah Agoonyar ,Harti Abgaal

Marwo Sahro Maxamed Amiin.

Marwo Shariifo Cadoow

Siyaasi Salaad Cali Jeelle.

Xogta kullanka gudiggaan ka shiraye habka soo dhaweeynta Musharax Shariif Sheekh Axmed ayaa la sheegay inuu bixiyay Agaasimaha Canshuuraha Berrigga Muxyadiin Xasan Juris oo u dhashay beesha Warsengeli Abgaal.

Muxyadiin Saabeey ayaa mudo dheer xiriir hoose la lahaay Al-Shabaab iyadoo la rumeeysan yahay inuu xiriirkaas soo biloowday xilliggii Abukar Cumar Cadaan .

Hotel-ka Naasa Hablood waxaa iska leh Xildhibaan Cabduqadir Cosoble oo ay siyaasadda ku kala tageen Madaxweyne Xasan Sheekh Maxamuud kadib markii uu uga baxay ballanqaad ku saabsanaay inuu ka dhigi doono Madaxweynaha Hiiraan iyo Shabeeladda dhexe.

Madaxweyne Xasan Garguurte oo heshiiska nuucaasa la galay Xildhibaan Cosoble ayaa seddex bil ka hor wuxuu u sheegay iney Madaxweynenimadiisa ka hor timid Dowladda Ethiopia sidaas darteedna uu ku hoowlan yahay sidii uga qancin lahaay inuusan ku lug laheyn argagixisinimo.

Xildhibaan Cabduqadir Cosoble ayaa saaxiibadiis u sheegay inuu Garguurte ku yiri "Waxaan u tartamayaa Madaxweynaha Somalia haddii aad fulin weeysay ballantii aan wada galnay ka hor shirka Baydhabo”

Xildhibaan Cosoble , Milkiilaha Naasa hablood oo ah ganacsade maalgelin dhaqaale siin jiray Al-Shabaab ayaa eedeeynta Ethiopia kadib wuxuu joojiyay lacagtii Hotelkiisa bixin jiray ee Canshuur ahaanta loo siin jiray Al-Shabaab,wuxuuna dhinaca kale dhisay Derbiyadda ama Ciid Tuur difaac weyn ah.

Qaar ka mida shaqaalaha Hotel Naasa Hablood ayaa Waagacusub u sheegay iney Al-Shabaab telefoon kula soo hadleen maamulka Hotelka mudo laga joogo laba bil iyo bar ka hor,iyagoo weeydiiyay sababta ay difaacyadda adag ugu sameeyeen Hotelka hasse yeeshee waxaa loo sheegay inuu khilaaf siyaasadeed soo kala dhexgalay Madaxweyne Xasan Garguurte iyo Milkiilaha Hotelka Cabduqadir Cosoble”

Lamma huba iney run tahay laakiin qof ka tirsan hoowlwadeenadda Hotel Naasa hablood wuxuu Waagacusub u sheegay ineysan laba bilood bixin lacagtii Zakawaat-ka ee horey ay u siin jireen Al-Shabaab.

"Al-Shabaab waa laga joojiyay laagtij aan siin jirnay ee Canshuurta laakiin weerarkaan waxaan rumeeysanahay inuu ka dambeeyo Madaxweyne Xasan ,waxaana hubnaa inuu soo abaabulay Muxyadiin Juris oo rabay in Hotel-ka lagu dilo gudigga soo dhaweeynta Musharax Shariif Sheekh Axmed oo Aftur ku lahaay Hotelka laakiin malaha waxeey ka soo hordhaceen xilligii la qorsheeyay ama warbixin qaldan ayaa la siiyay oo Odayaashii Agoonyar waa ka maqnaayeen Hotel-ka” ayuu yiri nin ka mida shaqaalaha sare ee Hotel Naasahablood.

Saraakiil ka tirsan Hay'adda Sirdoonka iyo Nabadsugidda Somalia ayaa yiri"Waxaan rumeeysanahay inuu weeraradda Hoteladda wax weyn kala socdo Wasiirka Amniga laakiin kan weerarkaan Naasa hablood waxaa sahankiisa lahaay Muxyadiin Saabeey,waxaana fududeeyay Wasiir Abdirisaq Mohamed Omar oo Madaxweyne Xasan adeer u yahay"

Sikastaba ha ahaatee, Iskuma fiicna Agaasime Muxyadiin Juris iyo Xildhibaan Cosoble,waxaana la wada ogyahay inuu xiriir wanaagsan ka dhaxeeyo Damujadiid iyo Al-Shabaab.

By Dahir Alasow

[email protected]