Mucaarad xoogan ayuu markiiba yeeshay waxaana xusul duub loo galay in leeyga xiro.

Intii aan awooday waxaan u dagaalamay in Dukaankeeyga sii shaqeeyo -dadkana ay waxyaabaha laga helo ku qaataan lacag la-aan {Bilaash ama Waqaf}

Hanjabaado badan ayaan la kulmay ,Xabsi ayaan u galay,toogasho ayaa leeygu xukumay dartiis.

Go-aan ayaan qaatay markaas ayaan habeen madoow la guuray Dukaankii,waxaan la galay qax iyo hayaan si aan u helo gabaad Nabadeed.

Afrikadii xooga iyo itaal sheegadka waan ka soo hayaamay,waxaan keenay Yurub oo aan ka sii waday hoowlahii Dukaanka.

La iigama harin oo Waraaqo hanjabaad Lawyero ayaa durba ii soo dhacay,waxaana ugu dambeyn leey saaray Maxkamad.

Ma aheyn dimbiile ,waxaan dagaalka ugu jiray ,walina ugu jiraa inaan dadkeeyga ugu adeego lacag la-aan sidaas darteed waxaan ku gaaray guul daacadnimadeeydii halista badan huwaneed.

Dukaankii yaraa waa bulaalay wuxuu ii noqday Bakhaar weyn -anigana bulshada waxyaabaha ay ka heli jireen ugama dhigin lacag laakiin sanad walba waxaan ku kordhinayay waxyaabo u muhiima.

Dad aan ku qiyaasay sedex Milyan ayaa i mucaaraday oo magaceeyga iyo magaca dukaankeeyga hiifay hadana macaamiisheeyda hoos uma dhicin oo dhamaantood waxay i soo booqan jireen saacad walba ugu yaraan shan jeer.

Toban sano kadib Dukaankii yaraa ee Bakhaarka weyn isu bedelay wuxuu noqday beer ku taal dhul curdoon oo mira macaan laga gurto.

Dadkii u mucaaradi jiray dhamaantood %90 waxay noqdeen taageerayaal iyo macaamiil u daacada Dukaankeeyga Bulaalay.

Waxaan helay dhiirigelin aan isleeyahay waxaad noqon doontaa qofkii ugu horeeyay ee furtay Dukaan taariikhda Somalida ku reebo xasuus dhaxalgala maxaa yeelay Dukaankeeyga bulaalay waxaa u siman bulshada Muslim iyo Gaal.

Dukaanka aan idin kaag sheekeeyno magaciisa waxaa la yiraahdaa Waagacusub,waxyaabaha laga helana waa Warar iyo Warbixino loogu magacdaray DHAB KA HADAL.

Waagacusub toban sano kadib maanta wuxuu bixiyay xidido balaaran .

Halku dhiga Waagacusub waa SAXAAFADU MALAHAN SAAXIIB JOOGTAA?

Ogoow runta waa guuleeysataa - beentuna waa guuldareeysataa? waxaan ula jeedaa waxaanu faafinaa wax walba oo runa ,waxaanu codka siinaa kuwa laga gardaran yahay marwalba,waxaana bulshada u soo bandhignaa waxkastoo laga qariyo ee qof lagu dhaawacay ama Qaran lagu dhantaalay.

Hadii sidaasi kula tahay habka ugu wanaagsan ee dib loogu sixi karo Qarankeena iyo qoowmiyada beesheena Soomaaliyeed fadlan taageer Waagacusub una soo gudbi xogta aad la cabsatay ee qabqablaha iyo qiyaanoolaha beeshaada.

SOO BOOQO WAAGACUSUB,LACAG LA-AAN KU QAADO JUMLO IYO TAFAARIIQ NAXDIN IYO FARXAD WIXII AAD XIISO U QABTID.

By Dahir Alasow

Waagacusub Founder