Waagacusub.info- Madaxweynaha Somalia Xasan Sheekh Maxamud,Taliyaha NISA Cabdiraxman Tuuryare iyo Xeer ilaaliye ku xigeenka Qaranka Somalia Cabdiraxman Tuuryare oo dhamaantood u dhashay Beesha Abgaal ayaa si wadajira ugu dhiiraday falkii ugu xumaa ee qabyaaladeed kadib markii ay sii daayeen Saraakiil u dhalatay beesha Abgaal oo lagu heystay qaraxii SYL iyagoo booskooda ku bedelay Saraakiil u dhalatay beelaha Habargidir,Gaaljecel,Baadicadde,Isaaq iyo Raxanweyn.

Taliyahii Saldhigga  Degmadda Howlwadaag Maxamed Maxamud Yalaxow oo u dhashay Beesha Abgaal -Harti Abgaal ayaa ku eedeeysnaa fududeynta qaraxii ismiidaminta ee lagu weeraray Hotel Syl hasse yeeshee markii dimbigaas lagu oogay waxaa markiiba warqad qoray Xeer ilaaliye ku xigeenka Qaranka Axmed Cali Abokar oo u dhashay Beesha Abgaal,Harti Abgaal,Gabale Muse ,wuxuuna amar ku bixiyay in la soo xiro Saraakiil u dhalatay Beesha Habargidir oo ay ka mid yihiin:-

1- Maxamed Dahir Taliyahii Saldhigga Degmadda Hodan - Saleebaan Habargidir.

2-Bashiir Gaani - Taliye ku xigeenkii Saldhiga Degmadda Hodan - Ceyr Habargidir.

3-Cali Shiine - Taliyaha  Boliiska qeybta Barri ee gobolka Banaadir - Sacad -Habargidir.

4-Xasan Dahir - Madaxa hoowlgalka Nabadsugida Gobolka Banaadir - Sacad Habargidir.

Ciidanka afarta qeybood ee gobolka Banaadir waxey ku wada jireen hoowlgalka ,koox walbana waxaa la siiyay Aag,inta Wafdigii Turkiga laga geeynayay,Madaxrooyadda iyo Isbitaal Digfeer.

Markii Wafdigii Turkiga dhameeysteen hoowlahoodii ee Hotel-ka lagu celiyay waxaa amar bixiyay Jeneral Mukhtar .

Jeneral Mukhar wuxuu la hadlay Taliyaha qeybta guud Jeneral Madaale,wuxuu kala hadlay hawada ama Isgaarsiinta Gacanta,wuxuuna ku yiri "Wafdigii waxaan ku celiyay Hotel-ka SYL ,Ciidankana waa la fasaxi karaa” sidaasi waxaa Waagacusub u xaqiijiyay Wasiirkii hore ee Amniga Khaliif Ereg.

"Jeneral Madaale ayaa Isgaarsiinta gacanka qaatay,wuxuuna ku xigeenkiisa iyo afarta qeybood ku amray in Ciidanka la qado geeyo ,isagoo intaas ugu deray in dhamaan Ciidanka ku soo laabtaan meelahii laga qaaday afarta galabnimo”sidaasi waxaa xaqiijiyay Taliye ka qeybgalayay hoowlgalkii amaan sugida Maalintaas.

"Taliyaha Qeybta guud Jeneral Madaale wuxuu isticmaalayay magaca M-One oo ah magac sireedka Ciidanka sidoo kalena ku xigeenkiisa Cali Wasaaye wuxuu isticmaalaayay Magac sireedka M-two” sidaasi waxaa Waagacusub u sheegay Sarkaal ka tirsan Hay’ada Nabadsugida Somalia oo la shaqeeynaayay Boliiska.

Waxyaabaha yaabka waxeey tahay inaan la xirin Taliye ku xigeenkii qeybta guud Cali Wasaaye oo u dhashay Abgaal ,ahaana ninkii Ciidanka hagaayay maalintii ismiidaaminta Hotel SYL.

Taliyeyaasha Ciidanka maalintaas ku qornaa waxaa loo qeybiyay afar Aag ,waxaana kala maamulaayay afartaan Taliye.

1- Taliye Cali Shiine wuxuu qaabilsanaa qeybta Barri wuxuu afarta galabnimo ku diyaar garoobay Aaga Gaadiidka - wuxuuna ahaa ninkii Jidka u xirnaa! waa xiran yahay wuxuu u dhashay Sacad Habargidir,

2- Taliye Maxamed Ismaaciil Indho buur -Taliyaha Qeybta Weliyoow Cadde -waa xiran yahay wuxuu u dhashay Isaaq

3-Taliye Axmed Cadow Maxamuud oo ahaa taliyaha qeybta Galbeed lama xirin,wuxuu u dhashay Abgaal, Harti Abgaal.

4-Taliye Jamac Saciid Xersi {Jamac Gundhuu} wuxuu qaabilsanaa Aaga Muuno ,wuxuu u dhashay Majeerteen waxaa dhashay Jeneral Madaale walaashiis lamana xirin maxaa yeelay hadii la xiro waxaa markiiba qeeyla dhaan jeedin lahaa Maamulka Puntland oo Madaxweyne Garguurte ka adkaaday.

Waxyaabaha yaabka leh waxeey tahay in Taliyeyaasha la dacweeyay ay ahaayeen:-

1-Maxamed Maxamud Yalaxow -Taliyaha Howlwadaag = Abgaal

2-Cali Wasaaye Taliye ku xigeenka Qeybta guud ee gobolka  =Abgaal

3- Axmed Cadow Maxamuud -Taliyaha qeybta Galbeed = Abgaal.

Ninka amray in la xiro Taliyeyaasha u dhashay Beesha Habargidir ee sii daayay kuwii Abgaal Mr Axmed Cali Abokar oo hooyadiis Habargidir Saleebaan tahay waxaa xilkiisa Xeer ilaaliye ku xigeenka laga qaaday Sharmarke Jiirow oo u dhashay beesha Habargidir Ceyr kadibna isaga ayaa loo magacaabay.

Xeer Ilaaliye ku xigeen Axmed Cali Abokar wuxuu sidoo kale Warqad ku amray inaan Hay’ada Nabadsugida bixin karin Qalabkii Maxkamadda gobolka Banaadir amartay ee Idaacadda Shabelle maadama uu leeyahay nin u dhashay Beesha Habargidir Cabdi Maalik Maxamud Yusuf.

Xeer Ilaaliye Axmed Cali Abokar wuxuu dalbaday in la siiyo lacag dhan 12 kun oo dollar si uu Xabsiga uga sii daayo Wariye Maxamed Bashiir oo u dhashay Beesha Sacad Habargidir.

Axmed Cali Abokar waxaa ceebeeyay Xildhibaan lagu magacaabo Caano Nuug kaas oo Maxkamadda u saxiixay Warqad uu ku sheegay inuu Xeer ilaaliyaha weydiistay inuu Maxamed Bashiir ku furo marqaati beena sida waa i dili rabay.