Ilyaas waxa uu Safaradda ka shaqo billaabay xilli wadanka uu ku jiro marxalad kala guur ah, isaga oo ka faa'ideysanaayo Xukuumaddii Shariif oo u xiligaas waqtigeedii dhamaaday iyo khilaafkii xiligaas soo kala dhex galay Safiir Cabdullaahi Xasan iyo Qunsulkii sharciga ahaa Ismaaciil Cabdi Xuseen. Halkan ka daawo akhbaarta khilaafka xiliigaas iyo xirista Safaradda, iyo walibo Ilyaas oo markaasi jabsaday xafiiska Qusnulka Sharciga ah.

Wasiiraddii hore ee Arimaha Dibadda  Soomaaliya Fawziya Xaaji Aadan oo aan run ahaantii dhihi karno waa qof ad adag ayaa is hortaagtay falalka sharci darrada ee uu Ilyaas Safaaradda ka waday, iyadoo Isla markaana warqad rasmi ah u soo qortay Safiirka in Ilyaas Sheekh Cumar uusan ahayn diplomaasi ka tirsan Safaaradda, sidaa awgeedna amar ku bixisay in uu ka baxo safaaradda furaha xafiiska qunsulkana wareejiyo. Halkan ka akhri warqaddii ay ka qortay wasaaradda Xilligaas.

Ilyas sidii caadada ahaydba warkii Wasiiradda wuu ka tallaabsaday, isagoo billaabay inuu u dhaqmo sida qunsul sharci ah. Waxyaabaha uu safaaradda ka sameeyay waxaa ka mida inuu lacagta Baasaboorada ku kordhiyay ardayda iyo qaxootiga Soomaaliyeed, isagoo diiday in uu sameeyo waraaqaha nikaaxa, shuruudo aan laga bixi karin iyo laaluushna hordhigay muwaadiniiinta, isagoo billaabay in Soomaalida ka soo jeedda Somaliland u diido baasaboorada, waxyaabaha uu Ilyaas sida foosha xun u sameeyo waxaa ka mida adeegsiga Nabadsugidda Masar oo uu  u adeegsado ardayda isagoo dhowr jeer xiray arday iyo cuqaal Somali ah oo ka tirsan jaaliyadda.

 

Ilyaas ayaa sidoo kale wasiirka Awqaafta iyo Arrimaha diinta Soomaaliya Mudane Baghdadi ka celiyay Airportka Qaahiro , isagoo ku andacooday in magaciisa laga shakiyay. Halkan ka akhri dawad rasmiga ah uu danijrihii hore ee Soomaaliya  ka gudbiyay Ilyaaas Sheekh Cumar, dacwadaasii oo kaga hadlay xariga Wasiirka, lacag uu ilyaas lunsaday iyo shaki uu ka qabo in Ilyaas uu la shaqeeyo Al-Shabaab.

December sanadkii hore ayaa Wasiirka Arimaha Dibadda ee Soomaaliya Cabdisalaan Hadliye isku dayay in uu ninkan umadda qabto isagoo ku amray in uu wadanka soo galo, isla markaana jagadiisii ku magacaabay nin aqoon yahan ah oo horay safaarado kale oo Soomaaliyeed iyo wasaradda arimaha dibadda uga soo shaqeeyay. Wasiir Hadliye waxaa lama filaan ku noqotay in uu Ilyas ku laabtay Masar waliba uu is hortaagay Diplomaasigii ay wasaarada u soo magacawday sii haynta Safaaradda, kaasoo xitaa loo diiday in uu Masar oo ay Ilmo u joogaan uu soo galo. Halkan ka akhri magaacibistii sii hayaha uu ilyaas eryaday, iyo warqaddii uu Ilyaas ka qoray Diplomasiga la eryay Mr. Kheyre isagoo ku eedeeyay in uu ka tirsan ururka akhwaan al muslimiin si masaarida ay u diidaan aqabalaaddiisa.

Waxaa xusid mudan in dowladda ay hadda Safiir cusub oo ay isku reer yihin AUN safiirkii hore ee geeriyooday u magacawday Masar, hase yeeshee waxaa laga cabsi qabaa in uu Ilyaas is hor taago sidaa awgeed Warqadaha Safiirka waxaa si toos ah loogu diray Masaarida si aan waafaqsaneyn baratakoolka iyadoo laga cabsanaayo in uu Ilyaas diido magacaabista. Wixii arintaas ku soo kordhana waan idin soo sheegi doonaa.