Waxaan aad uga helay kuna amaanayaa siduu uga yaq yaqsooday labada hees dhaqan dooris ee HADAADAN TUMEEN IYO KU HAAY.

Qofka sameeyay wuxuu ku gefay dhaqanka suuban ee Somalida,wuxuu meel uga dhacay gurashada miraha macaan ee Suugaanta.

Cabdi Good waxaan aad ugu taageeray faalada uu ka bixiyay heesta Nolosha cusub soo dhaweey ,oo ka dhigan erayo loogu doowgalay Jahawareer?

Waa dhab qofka sameeyay heestaasi waxaa lagu tilmaami karaa Muusa Noow waali ama qiyaali ku dhisan maxaa yeelay hal abuurkiisa kuma cabirin silsilad la fahmi karo oo suugaaneed.

CABDI GOOD WAA DAADIHIYE AQOONTA SAXAAFADDA KA ARADAN?

Wuxuu Telefishinka SomaliChannel u fariistay inuu bulshada wax fahamsiiyo laakiin wuxuu sharaxaad ku bixiyay lahjad looga hadlo gobolada dhexe ee Waqooyi Galbeed {Somaliland}

Wuxuu adeegsaday erayo aan qofka jooga Muqdisho,DJibouti,Jigjiga iyo Garisa midna fahmi karin balse raaskiisa u gaara .

Wuxuu ka sheekeeyay heeso wanaagsan markaas ayuu xushay kuwa lagu amaanay degaanada beeshiisa ayna sameeyeen Abwaaniin u dhashay beeshiisa.

Wuxuu isku deray Muusanoow iyo ka sheekeeynta degaano ku yaal Waqooyiga Somalia isagoo la qiirooday heeso lagu amaanay Garoodi iyo Buurta Daallo.

Intii uu barnaamijka waday wuxuu daqiiqad walba adeegsaday erayo Af Carabiya taas oo meesha ka saartay ciwaanka uu ku dulqoray sheekadiisa ee ISIR RAACA AF SOMALIGA.

Cabdi Good oo ka dhigan qofkii looga fadhiyay inuu bulshada ku hanuunsho qaninimada afkeena Somaliga ,waa ku gef iyo ceeb inuu Erayo iyo halku dhigyo Carabiya ku shubo dhegaha jiilka cusub.

CABDI GOOD MA MACAANSAN TUDUCYADA HEESAHA UU KA SHEEKEEYNAAYAY !!

Dadka waa ku adkeeyay inay fahmaan erayada heesaha uu ka sheekeeyay dhamaantood maxaa yeelay marka uu tirinaayo wuxuu la mid ahaa qof ganuunacay ama iska qarway.waxaan ula jeedaa wuxuu ugu tiraabay hab boobsiisa taasina meesha kuma jirto.

CABDI GOOD WAQTI BADAN AYUU KU LUMIYAY SHARAXAAD ISKU MIDA??

Tuducyada heesaha si xariifnimo ka muuqato uma sharaxin umana dul istaagin lakiin wuxuu waqti ku lumiyay inuu daqiiqado badan ku dul rafto hal tuduc.

MAXAA KU QASBAY INUU DOORTO LAHJAD REERKIISA U GAARA IYO ERAYO AY KALIGOOD FAHMI KARAAN?

Afka Somaliga waa qani ee maxaa diiday markuu adeegsado erayo aysan bulshada wada fahmi karin inuu raacsiiyo sharaxaad si aysan shaqadiisa u noqon tacab khasaar ?

ASLUUB XUMO KA MUUQATO HABKA MUUQAALKIISA TELEFISHINKA.

Cabdi Good gacmaha ayuu filqayay,dibnaha ayuu dhuuqayay,sankiisa ayuu fareeynayay, gacanta ayuu marna madaxa ku xoqayay marna afka saarayay,umana fadhin si wanaagsan oo akhlaaq ka muuqato.

Maamulka Telefishinka,waaxda qaabilsan tababarka shaqaalaha ayaa gebtay inay ku hanuuniyaan Cabdi Good inuu si wanaagsan u fariisto,inuu joojiyo faruuryo dhuuqida si aan dadka daawanayo ugu yaq yaqsoon.

HEES AYUU KU HANFADAY?

Cabdi Good wuxuu ku horkufay ama ku hanfaday fasiraada hees uu sameeyay allaha u naxariistee Cabduqadir Xersi Yam yam taas oo la yiraa GUULEED MA JOOGAA?

Heestaasi marka la qiimeeyo ceebteedu waxay aheyd inuu sameeyay Abwaan ka soo jeeda Koofurta Somalia laakiin xumaan iyo deelqaaf waa laga nasahay guud ahaan erayadeeda.

WAXAA DHIIRIGELIN MUDAN BARNAAMIJKA ISIR RAACA AFKA SOMALIGA HADII LAGA DHIGO MID SOOMAALIYEED.

CABDI GOOD WAA NIN AMAAN MUDAN OO AQOONTIISA WAX TEBINTA AY ARADNAAN KA MUUQATO,WAXAANA U RAJEEYNAYAA IN QORAALKAAN UU NOQON DOONO MID UU WAX WALBA KU SAXO,ISAGOO RUMEEYSANAYA INUUSAN MARFASH KALA HADLEEYN BULSHADA BALSE UU DHEX FADHIYO TELEFISHIN CAALAMIYA.

By Dahir Alasow